Kartöflukláði

Spurning:

Ég er með vandamál í kartöflugarðinum, það kemur kláði á kartöflurnar. Hef heyrt að ástæðan sé jarðvegsþreyta og áburaðarskortur. Get ég gefið áburð núna, fyrir veturinn og er það lausn?

Svar:

Það er ekki ástæða til þess að gera neitt núna, nema þá helst að fjarlægja allar kartöflur sem ekki tókst að taka þegar tekið var upp fyrr í haust, en þær bera í sér smitið. Ef um er að ræða svokallaðan flatkláða er ráð að bera brennistein í garðinn þegar ræktun hefst í honum næsta vor, hægt er að kaupa brennistein í hentugum umbúðum í garðyrkjubúðum. Þar sem að kláði er jarðvegssjúkdómur sem bæði situr í garðinum frá ári til árs og smitast áfram með útsæði, þá er ráð að brjóta nýtt land til kartöfuræktunar og skipta um útsæði ef kláði er orðinn áberandi. Þá er mikilvægt að garðlandið sé vel framræst og að vökvað sé í þurrkum. Einnig mikilvægt að passa uppá að kartöflurnar séu orðnar þurrar að utan þegar þær eru settar í geymslu.