Gróðurveggir

Lóðréttir garðar

Í Garðyrkjuskólanum er m.a. fjallað um uppbyggingu gróðurveggja. Kennslan er hluti af áfanganum Borgargróður en þar er fjallað um gróður í borgarumhverfi, t.d. götutré, gróðurþök, gróðurveggi o.fl. spennandi. Í verklegum hluta áfangans fá nemendur að spreyta sig í gerð svo kallaðra vasaveggja en þeir eru uppbyggðir með sérstökum dúkum og innbyggðu vökvunarkerfi. Gerðir eru vasar í fremsta dúkinn og plöntum komið fyrir með þeim hætti að þær haldist stöðugar. Vökvunarkerfi er tengt við sérstaka vökvunarklukku sem stýrir magni og tíðni vatns og áburðar. Hægt er að staðsetja gróðurveggi bæði utan- og innandyra en mikilvægt er að gæta vel að frárennslismálum þegar veggir eru inanndyra. Einnig getur þurft að huga að gróðurlýsingu, sérstaklega yfir dimmustu mánuði ársins.

Hér má sjá myndir af verkefni nemenda í gerð gróðurveggjar með kryddjurtum og jarðaberjaplöntum. Það verður gaman að fylgjast með árangrinum.